ავტორი: kreker | 16 ივნისი 2009 | ნანახია: 408

2007 წელს მსოფლიომ იხილა სენსაციური დოკუმენტური ფილმი ცაიტგაისტი (Zeitgeist - გერმ. ”დროის სული”). 2008 წელს გამოვიდა ფილმის მეორე სერია (Zeitgeist Addendum). ამ ფილმში სიმართლე და ტყუილი ისე ოსტატურადაა არეული, რომ რიგით ობივატელს იოლად დააბნევს. პირველი სერია გაყოფილია სამ ნაწილად. ქრისტიანების განსაკუთრებული კრიტიკა დაიმსახურა პირცელი სერიის პირველმა, ანტიქრისტიანულმა ნაწილმა. მეორე ნაწილში საუბარია იმაზე რომ 11 სექტემბრის ტრაგედია გლობალური შეთქმულების ნაწილია, ხოლო მესამეში - მსოფლიო საიდუმლო მთავრობის გეგმაზე პლანეტის ყველა მცხოვრებს გადაუნერგონ მიკროჩიპი, რომელიც ჩაანაცვლებს პასპორტსა და ფულს. ასე, რომ ჩიპის გარეშე არსებობას ვერავინ შეძლებს.
გთავაზობთ ორ მოკლემეტრაჟიან დოკუმენტურ ფილმს, რომლებიც აბათილებენ ცაიტგაისტის პირველ, ანტიქრისტიანულ ნაწილში მოყვანილ ფსევდო ფაქტებს.
რაც შეეხება მიკრო ჩიპებს, ამაზე ქრისტინები დიდი ხანია საუბრობენ და ცაიტგაისტის შემქმნელების მიზანიც აშკარავდება: თუ ფილმის პირველი ნაწილი ყალბია, მაშინ ყალბია დანარჩენი ნაწილებიც და ჩიპებიც საფრთხეს არ შეიცავენ... ნუ დაიჯერებთ ამას. ჩიპები რომც არ იყოს ანტიქრისტეს ბეჭედი იგი მაინც სახიფათოა კაცობრიობისათვის, რადგან ვინც ამ ჩიპს მიიღებს ნებაყოფლობით იტყვის უარს თავისუფლებაზე და მის ყოველ ნაბიჯს კულისებში მოკალათებული გაურკვეველი რჯულის ძალები გააკონტროლებენ, ისე რომ მათგან დამალვა შეუძლებელი იქნება.
ვისაც ჯიუტად სჯერა ცაიტგაიტის სიყალბის შეუძლია ნახოს ეს საიტი: http://www.zeitgeistchallenge.com იქ მოყვანილია ცაიტგაისტის წინააღმდეგ 50 კონტრარგუმენტი და ვინც შეძლებს თუნდაც ერთის (კონტრარგუმენტის) გაბათილებას, ჯილდოდ მიიღებს 240 დოლარს(!).
ეს საიტი კი რუსების პასუხია ცაიტგაისტის სიყალბისადმი:
http://www.anti-zeitgeistmovie.info ოღონდ, ანაზღაურების გარეშე.
არქივში, კრიტიკასთან ერთად მოთავსებულია ცაიტგაისტის ანტიქრისტიანული ნაწილიც.