MEGADETH მეორე მეგაბანდის, ჯეიმს ჰეთფილდის და ლარს ულრიხის მონსტრის ნანგრევებზე შეიქმნა. მასტეინი იმ ჯგუფში უნდა ყოფილიყო, რითმ და ლიდ პარტიებით სტრავინსკი და ვაგნერი მძიმე კაკაფონიაში გადაეტანა და ყოველთვის ჯეიმსის მერე, მეორე ყველაზე "კარგი ტიპი" იქნებოდა. და არ უნდა ყოფილიყო.
მასტეინი მთელი ჯგუფი უნდა ყოფილიყო.
დეივი მაშინაც წამალზე და კონიაკის დიეტაზე იჯდა. გაიღვიძა, ჩაარტყა, გაიკეთა, წავიდა სარეპეტიციოში, დაუკრა, ისევ გაიკეთა და მიაკიმარა. შანსი იყო, მასტეინს სხვა კონდიციაში დაეწერა ის ლირიკა, რომელიც MEGADETH-ის პირველ ორ ალბომში, Killing is my business…and business is Good და Peace sells, but who’s bying? შევიდა.
დეივი ყოველთვის ორიგინალი იყო.
ნარკოტიკები
"მარიხუანა გლაუკომის სამკურნალოდ გამოიყენებოდა და შიდსით დაავადებულებს არაფერზე არ უნდა ეფიქრათ. კიბოთი დაავადებულებს მარიხუანა სიცოცხლეს უხანგრძლივებს და თუ ადამიანს ეს სურს, რატომ უნდა ავუკრძალოთი ჰოლანდიაში ნარკოტიკები ლეგალიზებულია… ჰოლანდიელი არ ვარ და ვერ გეტყვით, ამით რა კაიფს იჭერენ, მაგრამ იგივეს გაკეთება ამერიკაში ჩვენი ეკონომიკის დანგრევას გამოიწვევს. ელ ეიში ჰაშიში თავისუფლად რომ გაიყიდოს, ჩვენი ბიზნესმენები, სენატორები, მერები სამხრეთ ამერიკაში "საქმიანი ვიზიტებით" ვეღარ გადაფრინდებიან, ვეღარც კოკაინს და ჰალუცინატორებს გადაცვლიან იარაღსა და 16 წლის მეძავებზე. ეკონომიკა დაგვენგრევა. ასე რომ, ვისაც გაჩხირვა უნდა, გაიჩხიროს, სხვები არ შეაწუხოს და ამერიკული ოცნება არ დაინგრევა."
Metallica
"ლარსი და ჯეიმსი დღეს არ მძულს და, ალბათ, დიდი კუში რომ შემომთავაზონ, ტურნეშიც ერთად წავალთ. Metallica ლეგენდაა, მაგრამ ჩემი ჯგუფიც ლეგენდაა და, ჯეიმსის ბანდისგან განსხვავებით, ინტრუმენტების დანახვაზე ცხენის სასქესო ორგანოს არ ვემსგავსებით და გვიყვარს, რასაც ვაკეთებთ. MEGADETH დღესაც ლიდერია, დღესაც დიდი აზარტით გავდივართ სცენაზე. ალბათ, ყოველთვის მკითხავენ სიმღერაზე Mechanix… ჯეიმსთან ერთად 1982-ში დავწერე სიმღერა The Four Horsemen. Mechanix იგივე რიფია, უბრალოდ, ტექსტი შევცვალე. ის ჩემი დაწერილი სიმღერაა და არ მესმის, რატომ არ უნდა ვამაყობდე, ლაივი-სეტის ბოლოს, ბისზე Mechanix-ს რომ ვუკრავთი ჩემი ვერსია უფრო ცოცხალია, მასში მეტი დრაივია და ბოლოსწინა მისამღერში Fuck You ეფექტურად მოდის. There are two ways of playing this song. One, it’s our way and another, it’s their way. For those of You, who think it should be their way, we play this now for you and it’s called MECHANIX!"
Ronnie James Dio
"გული ჩამწყდა, რონის გარდაცვალების შესახებ რომ გავიგე. თბილი, ჩვეულებრივი, ლამაზი პიროვნება, რომელსაც უყვარდა მუსიკა და ყველა, ვინც ამ სფეროში იყო. რონი ყოველთვის მეუბნებოდა: დეივ, სცენაზე რომ გადიხარ, ჰონორარზე და საბანკო ანგარიშზე არ იფიქრო. უბრალოდ, პატივი ეცი ყველას, ვინც შენს სანახავად დიდ ფულს იხდისო. რონი მძიმე მუსიკის გული იყო. მენატრება და მინდა მის ოჯახს სულიერი სიმშვიდის აღდგენა ვუსურვო. ჩემი ჯგუფი თანაუგრძნობს რონი ჯეიმს დიოს ოჯახს და უახლოეს მეგობრებს. რონი არ უნდა წასულიყო."
მასტეინი ყოველთვის, პირველივე ალბომიდან, სოციალურად სახიფათო ადამიანის იმიჯს ატარებდა. დეივს დღესაც ბევრი ერიდება. მასთან გასაუბრების წინ რამდენჯერმე რეკავს მენეჯერთან და რწმუნდება, რომ მისტერ მასტეინი "სუფთაა"… და დეივი ლოიალური ვარსკვლავია. ჭკუას კარგავს მეგობრებზე და ერთ-ერთის გამო, ფილადელფიაში, პირდაპირ კონცერტიდან გაატანა მენეჯერს თავისი გიტარა, რომელიც ლომბარდში 2 000 დოლარად ჩაიბარეს.
სად რა დაამახსოვრდა
სან ფრანცისკო - ამფეტამინი და ჰალუცინატორი, რომლის მერე დეივს ორი წლით მარჯვენა ხელი წაერთვა.
ტოკიო - სუში.
ლონდონი - დეივ ელეფსონმა ბიგ ბენიდან აღებინა.
დეტროიტი - ოქროს დისკები და უხეში პოლიციელები.
ჩიკაგო - ყველაზე შთამბეჭდავი ორალური სექსი. 300 დოლარი გადავიხადე.
ფილადელფია - მორგის კედელზე ეწერა Mechanix…
ატლანტა - დაიჭირეს ნიკ მენზა. პოლიციის დეპარტამენტის ეზოში ფეხსაცმელი გავიხადე და მინა ჩავამტვრიე. სამი დღე წინასწარი დაკავების საკანში ვიჯექი. 23 000 დოლარი გადავიხადე.
ჰიუსტონი - ჩვენმა ფანებმა ჩემი სახელი არ იცოდნენ.
მაიამი - კრის პოლანდმა კოკაინში თავისი გიტარა გაცვალა და ჯგუფიდან გავაგდე.
სან ანტონიო - კრისტინა აგილერამ სექსზე უარი მითხრა, მისმა მენეჯერმა კი - არა. მენეჯერი ქალი იყო.
უზომოდ მიყვარს ჩემი ცოლი
"ჩემი ცოლი ჩემთვის ყველაფერია. ოთხჯერ მშორდებოდა და დღესაც ჩემს გვერდითაა. ჩემი უდიდესი სიყვარულია. პირველად რომ მითხრა, შენი ცხოვრების სტილს ვერ ავიტანო, მიზეზი ჩემი პერმანენტული ტურნე იყო. ვიღაც იაპონელ პროფესორს, შეიძლება გამომგონებელს, შეიძლება უბრალოდ, ძალიან ჭკვიან ტიპს დეივ მასტეინის რობოტი შევუკვეთე. ცოლი გასული იყო და საძინებელში დავაყენებინე. როგორც კი ჩემი სიყვარული ოთხში შევიდოდა და დაიძახებდა, დეივ, რობოტს ეცინებოდა და ერექცია ჰქონდა. ცოლმა იუმორი ვერ გაიგო, იმავე საღამოს დამირეკა ჰიუსტონში და მაგინა. არ მეგონა, ქალს ასე გინება თუ შეეძლო. მართლა არ მეგონა. რობოტი დავშალე და ვეღარ ავაწყვე."
In My Darkest Hour
"ჩვენმა მენეჯერმა დამირეკა. რიფებს ვარჩევდი. არ მესიამოვნა ის ზარი, მაგრამ მაინც თავაზიანად ვუპასუხე. დეივი, ცუდი ამბავი უნდა შეგატყობინო, ავტობუსი ამიყირავდა და კლიფ ბარტონი დაიღუპაო. ხმას ვერ ვიღებდი… არ მინდოდა დამეჯერებინა, რომ კლიფი აღარ იყო. გული დამწყდა, რომ იმ ახვრებმა (ლარსმა და ჯეიმსმა) არც კი შემატყობინეს მომხდარის შესახებ. ალბომში So Far, So Good…So What? შევიდა სიმღერა In My Darkest Hour, რომელიც კლიფს მივუძღვენი. არავისთვის არაფრის თქმა, არაფრის დამტკიცება არ მინდოდა. უბრალოდ, გავიხსენე კლიფ ბარტონი, ის სითბო, რომელიც მუდამ მის გარშემო იყო. და დავწერე ის, რაც დავწერე."
In My hour of need,
Ha, no, You’re not there.
And though I reached out for You,
Wouldn’t lend a hand.
Through the darkest hour,
Your grace didn’t shine for me.
Feels so cold, very cold
No one cares for me…
Did You ever think I get lonely?
Did You ever think I needed love?
Did You ever think stop thinking?
You’re the only one that I’m thinking of…
MEGADETH
"ჩემი ცხოვრება, ჩემი შვილი, ჩემი ტკივილი და სიტყვა, რომელიც მუდამ მენატრება, მუდამ ჩემშია. MEGADETH-ში ბევრი ნიჭიერი მუსიკოსი იყო. ნიკ მენზა, ალბათ, ყველა დროის ყველაზე დაუფასებელი დრამერია. ყველა დეივ ლომბარდოზე, იგორ კავალერაზე, პიტ სანდოვალზე წერს, ლაპარაკობს და ნიკს არავინ არ ახსენებს. ეს უსამართლობაა. მარტი ფრიდმანი დეივ მასტეინის მერე ყველა დროის უდიდესი გიტარისტია. შეიძლება ჩემზე და მარტიზე უკეთესი გიტარისტი ედი ვან ჰალენია. შეიძლება ზაკ უაილდიც. ალბათ, ტონი აიომიც. გარ სამუელსონი და კრის პოლანდი ნარკომანები იყვნენ. მეც ნარკომანი ვიყავი, მაგრამ დოზის გამო გიტარას არ გავყიდიდი. მეწყინა, სამუელსონის სიკვდილის ამბავი რომ მითხრეს. ბევრს იკეთებდა, გაჭედა და თავი მოიკლა. დღევანდელი შემადგენლობაც ძალიან მაგარია. 1990 წლის მერე, ალბათ, ყველაზე მაგარი.
ადრე მძულდნენ კერი კინგი და ტომ არაია (SLAYER). სამი წლის წინ დალასის ერთ-ერთ ბარში შევხვდით ერთმანეთს და ძალიან გაგვიკვირდა, მშვიდად, პატივისცემით ერთმანეთს ხელი რომ ჩამოვართვით. დღესაც მგონია, რომ კერი ყველაზე დიდი ეგოისტი და უარყოფითი ტიპია, მაგრამ აღარ მძულს. ალბათ, პატივსაც ვცემ. იგივეს თქმა შემიძლია არაიაზეც, ჯეიმს ჰეთფილდზე და ლარს ულრიხზეც. "
MEGADETH…
7 ოქროს დისკი.
9 პლატინის დისკი.
4 ნომინაცია "გრემიზე".
1990 - დეივ მასტეინი, წლის საუკეთესო კომპოზიტორი, მარტი ფრიდმანი, წლის საუკეთესო გიტარისტი.
1990 - Rust In Peace, წლის საუკეთესო ალბომი Metal Hammer-ის ვერსიით.
1992 - Countdown To Extinction, წლის საუკეთესო ალბომი Metal Hammer-ის ვერსიით. წლის საუკეთესო მეტალ-ალბომი Rolling Stone-ის ვერსიით.
1994 - Youthanasia, წლის საუკეთესო როკალბომი MTV-ს ვერსიით.
1994 - A Tout Le Monde, წლის საუკეთესო სიმღერა Metal Hammer-ის ვერსიით. ნომინირებულია "გრემიზე".
კიდევ ბევრი ნომინაცია, აღიარება და მთელ მსოფლიოში გაყიდული 125 მილიონზე მეტი დისკი.
A tout le monde
A tout mes amis
Je vous aime
Je dois partir…
These are the last words
I’ll ever speak
They set me free…
მუსიკის ისტორია 1985 წლის თებერვალში გადაიწერა. დეივ მასტეინი, დევიდ ელეფსონი, გარ სამუელსონი, კრის პოლანდი.
ცოტა თავხედი, უფრო გამტანი, ძალიან ნიჭიერი დეივი, სწრაფი, ალბათ მაშინ ყველაზე სწრაფი რიფინგი, ზიზღიანი, დაბოღმილი თინეიჯერის ვოკალი და მასტეინის მეგასოლოები.
რაფინირებული რითმი, ბასის მძიმე პულსაცია, მაშინდელი მძიმე გენერაციისთვის ტრადიციული ლირიკა -
It’s MEGADETH, bastard!
ინფორმაცია
ჯგუფ
Guest-ის წევრებს არ აქვთ კომენტარის დატოვების უფლება.
