ჰერბერტ ჯეფრი ჰერბი ჰენკოკი (დაიბადა 1940 წლის 12 აპრილს, ჩიკაგო, ილინოისი, ამერიკაში) არის ჯაზ პიანისტი და კომპოზიტორი. მან, ისევე როგორც ჯაზ პიანისტების უმრავლესობამ მუსიკის შესწავლა კლასიკური მუსიკით დაიწყო. ჰენკოკი სწავლობდა შვიდი წლიდან. მან თავისი უზომო ტალანტი თავიდანვე გამოავლინა და ახალგაზრდა მუსიკოსთა კონცერტზე Chicago Symphony – სთან, თერთმეტი წლის ასაკში დაუკრა. მოზარდ ჰენკოკს არასდროს ჰყოლია ჯაზის მასწავლებელი. ჰერბერტს პირველად ჯაზის შესწლა მაშინ მოუნდა, როცა პირველად მოისმინა ოსკარ პეტერსონის და ჯორჯ შერინგის ჩანაწერები. ასევე მასზე გავლენა მოახდინა ვოკალურმა ჯგუფმა The Hi-Lo’s. ჰენკოკი უსმენდა სხვა პიანისტებსაც და სწავლობდა მაილს დევისის, ჯონ კოლტრეინის და ლი მორგანის ნაშრომებს. მან დაიწყო ფიზიკის სწავლა გრინელის კოლეჯში თუმცა ორი წლის შემდეგ ისევ მიუბრუნდა მუსიკას. 1960 – ში კი გაიცნო კრის ანდერსონი, რომელიც შემდეგ მისი მუსიკის პედაგოგი გახდა. 1961 – ში გადავიდა ჩიკაგოში და მუშაობდა კოლმან ჰოკინსთან. ჰენკოკმა თავისი პირველი ალბომი ”Takin Off” 1962 – ში ჩაწერა, ამ ალბომში შედის ცნობილი კომპოზიცია ”Watermelon Man”. ამ დროს კი მაილს დევისი თავის ბენდს ქმნიდა. მაილს დევისის დრამერმა ტონი უილიამსმა წარუდგინა ჰენკოკი დევისს. ასე მოხვდა ჰენკოკი მაილსთან. აქ ის უკრავდა წლების განმავლობაში, მან მიიღო უდიდესი გამოცდილება და ძალიან ბევრი რამ ისწავლა. ძირითადად ის უკრავს : Jazz, Post Bop, Jazz fusion, Hard Bop, Jazz-Funk, Funk, R&B, Electro Funk… ჰენკოკი უკრავდა და უკრავს ბევრ ცნობილ მუსიკოსთან ერთად : მარკუს მილერთან, ვეინი შორტერთან, სტივ ვანდერთან, ჯაკო პასტორიუსთან, პეტ მეთენთან, ჯეკ დეჟონეტთან, მაიკლ ბრეკერთან… ჰენკოკი არის Post-Bop – ის ერთ-ერთი სულის ჩამდგმელი. საერთოდ ჰენკოკის მუსიკა ცვალებადია ჟანრის მიხედვით. მან ფაქტიურად მუსიკის ყველა მიმდინარეობა მოსინჯა. 2008 წელს მან მიიღო გრემი ალბომი ”River: The Joni Letters” – ისთვის. ჰენკოკი არის უდიდესი მუსიკოსი, მან ძალიან ბევრი რამ შექმნა.
ინფორმაცია
ჯგუფ
Guest-ის წევრებს არ აქვთ კომენტარის დატოვების უფლება.
