!!! Lemmy !!! » Mono.Ge The Best Music Portal

ჩეზი: Who'd win in a wrestling match, Lemmy or God?

კრის მური: Lemmy.

ჩეზი: Wrong answer, dickhead…

კრის მური: ... God?

ჩეზი: ….. hell, no.

ჩეზის ძმაკაცი, რექსი: Wrong, dickhead, that’s a trick question. Lemmy *IS* God.

ეს დიალოგი სტივ ბუშემის, ადამ სენდლერისა და ბრენდან ფრეიზერის 1994 წლის ბლოკბასტერ Airheads-შია. დიალოგი ორ როკნაბი***რს და კინოთეატრის შესასვლელში, ბილეთების გამყიდველს შორის.

=========================

როკ, მეტალლეგენდა, მისტერ ლემი კილმისტერი და მისი უკვდავი ბანდა Motorhead. დღეს ბრიტანელების ოთხ საუკეთესო ალბომზე ვისაუბროთ.

# 4. Overkill (1979)

ლემი (ბასი, ვოკალი), ედი კლარკი (გიტარა), ფილ ტეილორი (დასარტყამი ინსტრუმენტები)

1. Overkill (5:12)

2. Stay Clean (2:40)

3. (I Won't) Pay Your Price (2:56)

4. I'll Be Your Sister (2:51)

5. Capricorn (4:06)

6. No Class (2:39)

7. Damage Case (2:59)

8. Tear Ya Down (2:39)

9. Metropolis (3:34)

10. Limb From Limb (4:54)

ჯგუფის პირველი ალბომი, რომელიც ყველა არსებულ ჰიტმარაზმში შევიდა და იქ მოხვედრის გარეშეც ლემისა და კლარკ-ტეილორის ტანდემის შედევრია. პირველი სერიოზული კონტრაქტი (Bronze), პირველი დიდი ტური, სადაც ბრიტანული ტრიო ელის კუპერთან და რობ ჰალფორდის ვოკალურ-ინსტრუმენტულ ჯგუფთან ერთად შეკრულ ამანათში ჰედლაინერობდა.

პირველივე ნომრიდან მოდის უდიდესი ენერგია, რეალური, დამძიმებული ბუგი, ჩაკ ბერის თემები კილმისტერის ინტერპრეტაციაში და ედი კლარკის საინტერესო სოლოები.

ალბომის ნახევარზე მეტი ჯგუფის ლაივების უკვდავი კლასიკა გახდა. Overkill იწყება და მთავრდება ტეილორის სწრაფი დრამინგით. მოგვიანებით, ჯგუფში მიკი დის მისვლიდან, ეს ნომერი ულტრასწრაფი და უფრო საინტერესო გახდება. ტექნიკურად დი ტეილორზე ბევრად მრავალმხრივი და ისედაც მძიმე მუსიკაში ერთ-ერთი უდიდესი დრამერია.

Stay Clean-ში მთავარი თემის შემდეგ იწყება ლემის ფანტაზმური ბასის სოლო. ლაკონიური, საშუალო ტემპში - სოლო გადადის აუტროში, სადაც კილმისტერის ბასი ადგილს უთმობს გიტარას და ყველაფერი მშვიდი ქაოსით მთავრდება.

ორი წლის შემდეგ გამოდის ბანდის სუპერლაივი No Sleep ?Till Hammersmith, სადაც, ამ ორი ნომრის გარდა, შევა Capricorn, Metropolis და No Class.

რევოლუციური დისკი, რომელშიც იმ ეპოქაში უკვე გარდაცვლილი პანკისა და როკში ახალი ტალღის, NWBHM (New Wave of Brithish Heavy Metal) საუკეთესო ელემენტებია გაერთიანებული.

Shut up, you talk too loud,

You don't fit in with the crowd,

I can't believe you exist,

I've crossed you right off my list,

Too much, too soon, you're way out of tune,

No Class

# 3. Ace of Spades (1980)

ლემი (ბასი, ვოკალი), ედი კლარკი (გიტარა), ფილ ტეილორი (დასარტყამი ინსტრუმენტები)

1. Ace of Spades (2:49)

2. Love Me Like a Reptile (3:23)

3. Shoot You in the Back (2:39)

4. Live to Win (3:37)

5. Fast and Loose (3:23)

6. (We Are) The Road Crew (3:12)

7. Fire Fire (2:44)

8. Jailbait (3:33)

9. Dance (2:38)

10. Bite the Bullet (1:38)

11. The Chase Is Better Than the Catch (4:18)

12. The Hammer (2:48)

წინა ალბომზე საერთო საუნდის ოდნავ შერბილების შემდეგ, ლემი, ფილი და ედი Motorhead-ის კლასიკური, მძიმე, ბინძურ, დაბალ ტონალობაზე დაყენებული გიტარით, უმძიმესი ბასით ჩაბეტონებულ საუნდს დაუბრუნდნენ. ბევრმა ჯგუფმა იმ წელს ამოიღო ჯოკერი, ლემის ბანდამ კი ყველაფერი ყვავის ტუზით (Ace of Spades) გადაჭრა. ალბომის მოსმენის მერე, პირველი, რისი სურვილიც გიჩნდება, სექსი და repeat-ზე დაჭერაა.

ლემის და ბრიგადის მეოთხე სტუდიური ალბომი კილმისტერისთვის კომერციალიზმის ეპიტაფია იყო. Ace of Spades გახდა ჯგუფის სამარკო ნიშანი და მუსიკის ისტორიაში ერთ-ერთი დასამახსოვრებელი მოვლენა.

იმ დროისთვის უსწრაფესი The Hammer და Fire Fire სინათლის სიჩქარით გივლიან გვერდს და რამდენიმე გენერაციას უტოვებენ მესიჯს, როგორ უნდა იყოს დაკრული და კომპოზიციურად უნაკლოდ შედგენილი სწრაფი, როკ-ანთემი.

ფენომენალურია ვულგარულ-ზოოლოგიურ-ეროტიკული საგა Love Me Like a Reptile, სადაც ტეილორმა პირველ სამ ალბომში თავისი საუკეთესო დრამინგის M16 გახსნა.

კლინტ ისტვუდისა და ელი უოლახის სომბრეროებზე გადავლის ლირიკული პროცესი ლემიმ ჩაატარა Shoot You In The Back-ში. ფენომენალური ლირიკა, ლემის ულამაზესი რიფინგი და კლარკის კლასიკური სოლო.

(We Are) The Roadcrew - ჯგუფის საგზაო ჰიმნი, რომელშიც კილმისტერი პატივს სცემს ყველა როუდის, ტურ მენეჯერს, ყველას, ვინც Motorhead-თან ერთად ტურზე იმყოფება.

ნოსტალგიური ბუგი-როკი The Chase Is Bettter Than The Catch ჯგუფის ყველა ლაივში ზის, პირველ ორ ოფიციალურ საკონცერტო რელიზშიც შევიდა და სიტყვები I like a little, innocent bitch დარბაზს ანგრევს. რეფრენი და მისამღერი უკვე კლასიკაა.

If you like to gamble, I tell you I'm your man

You win some, lose some, it's - all - the same to me

The pleasure is to play, it makes no difference what you say

I don't share your greed, the only card I need is

The Ace Of Spades

The Ace Of Spades

# 2. Sacrifice (1995)

ლემი (ბასი, ვოკალი), ფილ კემპბელი (გიტარა), მიკ ბერსტონი (გიტარა), მიკი დი (დასარტყამი ინსტრუმენტები)

1. Sacrifice (3:16)

2. Sex & Death (2:02)

3. Over Your Shoulder (3:17)

4. War for War (3:08)

5. Order/Fade to Black (4:02)

6. Dog-Face Boy (3:25)

7. All Gone to Hell (3:41)

8. Make 'em Blind (4:25)

9. Don't Waste Your Time (2:32)

10. In Another Time (3:09)

11. Out of the Sun (3:43)

ლემის ბანდის ყველაზე ატმოსფერული, კონცეპტუალური შედევრი. თითქმის მთელი დისკის ლირიკა ეთმობა მეორე სამამულო ომის თემათიკას - ქავერიდან დაწყებული, ალბომი ბოლომდე გაჟღენთილია ბრძოლის ველის კოშმარებით, დამამძიმებელი ატმოსფეროთი, კილმისტერის მეგაბასით და გიტარისტების კლასიკური რიფინგით. მიკის დის დაკვრის მანერას, აგრესიულ პერფორმანსს აღწერა არ უნდა, ეს უნდა მოისმინო. დის არანორმალურად ღრმა, ენერგიული, სწრაფი, დროდარო მონოტონური დრამინგი და მკვეთრი საუნდი მთელი დიკსის ფონია და ლემის ბასი (რომელიც ხან უფრო რიტმგიტარაა, ვიდრე - ბასი) პირველივე ტრეკიდან შლის, ანგრევს ყველაფერს. “Sacrifice” Motorhead-ის ისტორიაში ყველაზე მძიმე ნაპალმია. ბანდისთვის არატიპური საუნდი, მაქსიმალურად დაბალ ტონალობაზე დაყენებული გიტარები და ვოკალი…გროულინგი, ზიზღი, აგრესია, წლებით დაგროვილი ტკივილი - ლემიმ ამ ნომერში მთელი სული ჩადო. კილმისტერმა ორჯერ შეცვალა პროდიუსერი და 1986 წლის შედევრის მერე, Sacrifice ყველაზე მძიმე, არამოტორხედული დისკია. ფსიქოდელია და გაუცხოებაა მთელი ის ოთხი წუთი, რაც Order/Fade to Black-შია ჩადებული. ლუდის ნაცვლად აქ სვამენ სისხლს, ქალიშვილები სექსზე მეტად სუდარების მოქარგვაზე ფიქრობენ და სიკვდილს, სიცოცხლეს, ყველაფერს აქვს ლემის ვიზუალური ეფექტი. ამ ალბომის შემდეგ ბერსტონი მიდის ჯგუფიდან და სცენაზე მეტი ადგილი, კონცერტების მერე კი მეტი გასაყოფი თანხა რჩება.

The woman stiches the shrouds,

The children murder all the world,

If only you believe,

Then only you will die,

How can you not,

See the stars,

In your eyes.

Sacrifice, sacrifice, sacrifice, sacrifice,

Sacrifice, pay the price, blood like ice, sacrifice.

# 1. Orgasmatron (1986)

ლემი (ბასი, ვოკალი), ფილ კემპბელი (გიტარა), მიკ ბერსტონი (გიტარა), პიტ ჯილი (დასარტყამი ინსტრუმენტები)

1. Deaf Forever (4:25)

2. Nothing Up My Sleeve (3:11)

3. Ain't My Crime (3:42)

4. Claw (3:31)

5. Mean Machine (2:57)

6. Built for Speed (4:56)

7. Ridin' with the Driver (3:47)

8. Doctor Rock (3:37)

9. Orgasmatron (5:27)

მძიმე მუსიკის ისტორიაში ყველაზე შედევრალური 1986-ია. ტრეშში გამოდის ოთხი მეგაალბომი, 1. Metallica “Master of Puppets” 2. Slayer “Reign in Blood” 3. Kreator “Pleasure to Kill” 4. Megadeth “Peace sells…But who’s Buying?”, Iron Maiden-მა გამოუშვა “Somewhere in Time” და ლემიმ ახალი ჯგუფით ჩაწერა, 35-წუთიანი ინფერნო, მძიმე მუსიკის ბესტსელერი და ჯგუფის უდიდესი ალბომი “Orgasmatron”.

პირველივე ტრეკიდან დინამიკებიდან მოდის სამმაგი, ათმაგი, ასმაგი აგრესია და ენერგია. ყველა კომპოზიცია თავისებურად ფენომენალური და განუმეორებელია, ლემის ლირიკა საზოგადოების სოციალური წყლულიდან იწყებს აჩქარებას და ბოლო ტრეკზე ისტორიული არმაგედონით აფეთქებს ყველაფერს.

პირველი ტრეკი “Deaf Forever” ბერსტონის მძიმე გიტარით, ლემის უფრო მძიმე ბასით და კილმისტერის ისტერიული ვოკალით ჯგუფის ყველა დროის ფავორიტებში შედის. კილმისტერის სოლირება, ჯგუფის მოსპიდო საუნდი და ტრეშის მოროკენროლო ელემენტები ერთიანდება Mean Machine-ში და მაქსიმუმს აღწევს ნომერში Ridin' with the Driver.

საშუალო ტემპიანი Built for Speed პირველივე მისამღერიდან კლასიკაა, დიდი ხნით ჩარჩება ბანდის ლაივებში და კემპბელის სოლო ერთ-ერთი საუკეთესოა მთელ ალბომში.

ალბომის მთავარი ნომერი ბოლოშია. “Orgasmatron” ლემიმ ჩადო მთელი ზიზღი ორსახოვანი პოლიტიკოსების, ახალგაზრდა მეძავების ექსპლუატატორების მიმართ.

ლემი: “სექსი ჩემი ჰობია, მაგრამ ყველაზე დიდ ორგაზმს მივიღებდი, რამდენიმე გაბერილ, ღორივით გასიებულ პოლიტიკურ მეძავთან ერთად ვაგონში რომ ჩამკეტო და ორალურად დამაკმაყოფილონ. ყველაზე დიდი ცოდვა მათი არსებობაა. ცოდვა ცოდვით უნდა ამოჭრა ყველას მეხსიერებიდან და კაცობრიობის ისტორიიდან. მატარებელს, რომელშიც ცოდვებს მოვანანიებ, ერქმევა Orgasmatron.”

შედევრი, რომელიც მეტალის ყველა დროის საუკეთესო ხუთეულში შედის.